बिर्तामोड गोल्डकपको उपाधि पूर्वेलीलाई

बिर्तामोड । बिर्तामोडको पूर्वेली युथ क्लबले प्रथम रमपम बिर्तामोड गोल्डकपको उपाधि जितेको छ ।

No posts found.

मंगलबार बिर्तामोडको डोमालाल राजवंशी रंगशालामा भएको फाइनल खेलमा सुनसरीको पाञ्चायन फुटबल क्लबलाई १–० को अन्तरले हराउँदै पूर्वेली युथ क्लब च्याम्पियन भएको हो ।

दोस्रो हाफको २२औँ मिनेटमा पूर्वेलीका सुमिन मैनालीले गरेको गोल नै जीतका लागि निर्णायक बन्यो । फाइनल खेलको म्यान अफ दी म्याच एक गोल गर्ने पूर्वेलीका मैनाली घोषित भए ।

प्रतियोगिताको उत्कृष्ट गोल किप्पर विजेता टिमका अभिषेक बराल, बेस्ट डिफेन्स पूर्वेलीका निशान्त खड्का, बेस्ट मिडफिल्ड उपविजेता पाञ्चायनका रोशन भूजेल, बेस्ट फरवार्ड पाञ्चायनकै तीर्थ बस्नेत र बेस्ट कोच पूर्वेलीका दिनेश चौधरी घोषित भए ।

मस्ट भ्यालुएवल खेलाडी पूर्वेलीका योगेश गुरुङ भए भने उदीयमान खेलाडीको पुरस्कार आयोजक रेड स्टार फुटबल क्लबका गोल किप्पर शौरभ गुरुङलाई प्रदान गरियो । त्यस्तै, सर्वाधिक गोलकर्ता रेड स्टारकै शक्ति राई बने । उनले एकै खेलमा ह्याट्रिक गरेका थिए ।

रेड स्टार एफसी बिर्तामोडले आयोजना गरेको गोल्डकपको विजेता पूर्वेलीले नगद १ लाख ५१ हजार १११ रुपैयाँ, ट्रफी, प्रमाणपत्र र मेडल प्राप्त गर्यो । उपविजेता बनेको पाञ्चायनले ७५ हजार १११ रुपैयाँमा चित्त बुझाउनु परेको छ ।

Leave a Reply

Your email address will not be published. Required fields are marked *

Back to top button

Pin It on Pinterest

WP2Social Auto Publish Powered By : XYZScripts.com
Close
Close

Adblock Detected

Please consider supporting us by disabling your ad blocker