झापामा मनाइयो विश्व उपभोक्ता दिवश

केशवराज भण्डारी

विर्तामोड १चैत ÷ झापामा विश्व उपभोक्ता दिवश २०१९ एक बृहत कार्यशाला सहित सम्पन्न भएको छ ।
जिल्ला समन्वय समिती र संवाद समुह झापाको संयुक्त आयोजनामा झापाको विर्तामोडमा रहेको सिटी पार्टी प्यालेसमा झापा जिल्लाका सम्पुर्ण स्थानिय तहका उप प्रमुख, घरेलु तथा साना उद्योगका प्रतिनिधी, नेपाल उद्योग वाणिज्य संघ विर्तामोड, खाद्य प्रविधि तथा गुण नियन्त्रण कार्यालय झापाका प्रतिनिधि, सञ्चारकर्मी लगायतको उपस्थितीमा कार्यक्रम सम्पन्न भएको हो ।
जिल्ला समन्वय समितीका सभापती सोमनाथ पोर्तेलको अध्यक्षतामा सम्पन्न कार्यशालाको औचित्य माथि प्रकाश पार्दै अधिबक्ता खगेन्द्र खरेलले स्वागत गर्नुभएको थियो भने कार्यक्रमको सहजिकरण संवाद समुह झापाका प्रतिनिधि तथा सञ्चारकर्मी एकराज गिरीले गर्नुभएको थियो ।
१९६२ मार्च १५ वाट विश्वभर मनाउन सुरु गरिएको उपभोक्ता अधिकार दिवस झापामा पनि उपभोक्ताः बजार तथा भौतिक पुर्वाधार अनुगमन चुनौती र समस्या समाधानका उपाय विषयक कार्यशाला वाट स्थानिय सरकारमा रहेका उप प्रमुखहरुका लागि लक्षित गरिएको थियो । स्थानिय सरकार अर्थात गाउँपालिका तथा नगरपालिकाका जन निर्वाचित जनप्रतिनिधिहरु मध्ये पनि उप प्रमुखहरुको मुख्य जिम्मेवारी भनेकै मेलमिलाप तथा न्याय सम्पादन सँगै गाउँ नगरमा सञ्चालन हुने हरेक कार्यक्रम तथा गतिविधिको अनुगमनको जिम्मेवारी रहेको हुदा उपप्रमुखहरुका लागि यो कार्यशाला महत्वपुर्ण रहेको थियो ।
स्थानिय तहमा उपप्रमुखहरुले न्यायिक कार्य सम्पादन गर्न गराउन सहज वातावरण तय गर्नका लागि विगत देखिनै सहयोग गर्दै आएको संवाद समुहले आवश्यकता अनुसार उप प्रमुखहरुका लागि थप तालिमहरुको व्यवस्थापन गरिने संवाद समुहका एकराज गिरीले जानकारी दिनुभयो ।

Leave a Reply

Your email address will not be published. Required fields are marked *

Back to top button

Pin It on Pinterest

WP2Social Auto Publish Powered By : XYZScripts.com
Close
Close

Adblock Detected

Please consider supporting us by disabling your ad blocker